U kap 300 kg kokainë me logon e yllit të NBA-së, Lebron James/ Grekët kërkojnë lidhjet mes karteleve kolumbiane, mafias shqiptare dhe britanikëve

Policia greke është duke hetuar rrugët e kokainës që u kap pak ditë më parë në Selanik. Autoritetet helene kërkojnë të zbardhin lidhjen me kartelin kolumbian prej nga erdhi edhe kokaina si dhe pikëpyetjet që ekzistojnë mbi të arrestuarit britanikë të cilët janë lënë në burg dhe lidhjet e tyre me mafien shqiptare.  

gr

Sipas autoriteteve greke çështja po hetohet rrjeti i trafikut të drogës nga Amerika e Jugut drejt vendeve të Evropës.  Ndërsa pakot e kokainës mbanin edhe logon me numrin 23 që i referohen markës së yllit amerikan të NBA, LeBron James.

Sipas policisë së sigurisë në ethnos.gr , “çelësi” i hetimeve mund të jetë 45 vjeçari britanik i arrestuar më 28 maj 2022 në Lutraki , i cili kishte mbërritur në Greqi në 26 në të njëjtin muaj nga Malaga, Spanjë.  Autoritetet greke kanë marrë sinjale nga DEA amerikane. Në banesën e tij në Korinth u sekuestrua një sasi kokaine me peshë 57 kilogramë e 215 gramë, e cila shpërndahej në gjithsej 49 pako me logon e “mbretit” të NBA- së. Policia theksoi se 45-vjeçari ka mbërritur në Greqi për të marrë një rol qendror në menaxhimin e drogës, por është parakaluar nga “zhvillimet”.
Ngarkesa, një pjesë e së cilës u gjet në banesën e 45-vjeçarit në Loutraki, vlerësohet se ka mbërritur në  Greqi në një kontejner me banane nga Ekuadori shkurtin e kaluar, shkruajnë mediat greke. 

Të tilla pako janë konfiskuar nga autoritetet greke që prej muajit mars, ndërsa bie në sy rasti i dy pakove me 2.5 kg kokainë, të gjetura në Skiathos në fund të muajit maj teksa disa vullnetarë pastronin plazhin e Agios Panteleimon. Dy pakot mund të mos kenë vulën “23”, por burime policore besojnë se ato janë të lidhura me kartelin kolumbian.

Roli i shqiptarëve

Dy muaj më parë, policia në Zakynthos vuri në pranga një 37 vjeçar, i cili mori nga KTEL një pako me një kilogram kokainë me logon e Lebron James. Pritësi ishte 37-vjeçari, por dërguesi nuk dihet. Më 1 prill 2022, oficerët e policisë  gjatë kontrollit në Athinë vendosën në pranga tre shqiptarë dhe një grek , të cilëve iu gjetën 10 kilogramë kokainë. Emëruesi i përbashkët me të gjitha rastet e tjera është se 4 nga dhjetë pakot e konfiskuara kishin të njëjtin nënshkrim atë të NBA-së.

Hera e fundit që autoritetet u morën me pako të ngjashme ishte më 7 qershor, tre ditë para operacionit të madh në Selanik dhe arrestimit të katër britanikëve. Konkretisht në dy nga pakot e kokainës që u gjetën dhe u konfiskuan në banesën e 32-vjeçarit të armatosur shqiptar në zonën e Finikas Kalamaria në Selanik , policia pa për të parën herë logon e me numrin “23” në ngjyrë vjollcë dhe të verdhë.

Në një rast tjetër policia ka marrë një telefonatë për një shtetas shqiptar i cili kishte filluar të qëllonte dhe të krijonte terror brenda dhe jashtë pallatit të tij në Athinë duke terrorizuar fëmijët e tij dhe fqinjët.

Gjatë kontrollit në shtëpinë e tij, policia gjeti më shumë se 23 kilogramë kanabis, 1200 gramë kokainë dhe 16 mijë euro. Bashkë me 32-vjeçarin u arrestua edhe vëllai i tij 29-vjeçar, ndërkohë që kjo ishte hera e parë që një pako me firmën konkrete i gjendej një personi me vendbanim të përhershëm.

LEXO EDHE KËTË: Katër anglezë u kapën me 300 kg kokainë në Selanik/ Ekspertët britanikë: S’ka mundësi të jenë tanët, pas tyre fshihet mafia shqiptare. Ajo e kalon drogën përmes…

“269 pako me gjithsej 300 kilogramë kokainë me vlerë mbi 10 milionë euro, të sekuestruara gjatë arrestimit të katër britanikëve të moshës 38, 45, 38 dhe 52 vjeç, kishin dy pulla, një me inicialet EPS dhe një me fjalën. UNICO. Megjithatë, të dyja janë vulat e qarkut nga laboratorët që përdor në Kolumbi”, shprehen autoritetet greke.

Sipas njoftimit zyrtar të Policisë Helenike, 4 të arrestuarit mësohet se kanë lidhje me sasinë prej 654 kilogramësh kokainë me vlerë 200 milionë euro që u kapën prillin e kaluar nga autoritetet italiane në portin e Joya Tauro.

Ato u gjetën në 50 kontejnerë me banane me një kompani importuese marrëse që vepronte në Greqi me destinacion përfundimtar Selanikun, ndërsa një ngarkesë e madhe kokaine nga Ekuadori u konfiskua në një magazinë frutash në Veria shkurtin e kaluar.

© Panorama.al